銓滿記餐廳小廚 (已結業)

我系Carmen Tam~~用Facebook log-in 0既﹐唔系好识点整返个似样D0既user name。今次系第一次忍唔住手写食评﹐因为呢餐饭系食得好开心~ 话说寻日同BF行完街街就去0左呢间朋友介绍我去食0既铨满记﹐卖点话系海鲜同煲仔饭。我地叫0左个$198二人鱼翅海鲜煲仔饭餐﹐入面有两大碗翅﹐圣子皇x2﹐鲍鱼仔x2﹐辣酒煮花螺或者炒蚬﹐自选煲仔饭(我地要0左扇贝煲仔饭)﹐油菜....好多0野﹐仲送0左老火汤添~~ 个汤好好饮﹐真系好老火﹐饮完好温暖^_^。个翅真系一排排﹐非常似样﹐味道都几好。海鲜最出色﹐好新鲜同埋教得个味好好﹐蒜蓉粉丝蒸好香﹐圣子皇要分几啖先食晒一只﹐鲍鱼仔都唔系细﹐但唔系我0既最爱。辣酒煮花螺劲惹味﹐都几大粒下﹐粒粒新鲜﹐都算多﹐成个沙煲都系~煲仔饭好香﹐我钟意拒D焦同甜豉油﹐饭粒好有米味﹐扇贝好好食﹐但下次想试下田鸡同润肠0个种传统D0既。职员好有礼貌﹐服务十分好﹐老板又好人又好倾﹐环境企理﹐几好坐﹐一定会再帮衬﹗