Food Combo (已結業)

屯门开咗呢间food combo几个月啦，每次行过都有啲想食，今日终于试到啦装修都几精致，好光猛，但系空间就比较细，枱就唔算多，都比较逼夹，今晚呢都等左15分钟先有位呀。不过长枱欠奉，2-4个人黎食就啱啱好。定食款食唔算多，得7个，但系每个都好似好吸引咁，同埋净系沙律嘅款式都有3款，都唔会话太过似。等野食前可以去自助水吧拎野饮，啲饮品都几健康养生，有香橙薄荷水、玄米绿茶同埋鲜姜红枣桂圆杞子茶。见到呢啲嘢饮已经加晒分先讲Combo C啦首先食咗个生果，真系几高质，西瓜、火龙果同埋提子都好新鲜好甜！仲要切好一旧旧，食完觉得自己好健康！其实我feel到红菜头个沙律都系高质嘅，但系因为我麻麻只味都冇食哂。而个餐汤系最有惊喜嘅一道菜劲真材实料，蔬菜都唔系随随便便，仲有好多齐牛肉碎！青口都几入味，完全有做主菜嘅潜质！最后就系猪鞍，劲大块，厚身到不得了，唔算肥美，但食落口都系juicy，同野菌汁好夹，唔错！仲有讲埋combo D华都夫沙律姐系苹果沙律，比较啱我口味，俾我抢黎食哂。南瓜薯饼系巧手制作，有自家制嘅味道而西冷感觉不过不失，呢个价钱黎讲算系好高质要讲嘅系份量系意外地多！虽然碟碟都好似好细碟咁