至尊滿屋日本料理 (已結業)

家姐见我上两个礼拜食放题食得咁开心，于是要我陪佢食多次，但佢拣左另一间食，不过都好，因为我未食过呢间放题。我同我家姐都超钟意食日本野，我地去到坐低第一件事当然系即刻叫刺身食啦，刺身都几有惊喜，我个人好惊食刺身唔够冻，但佢呢度既刺身好新鲜而且够冻，最好食系甜虾、三文鱼同带子，而且啲刺身都几厚切，带子唔算超大粒但都系完整一粒。另外呢度啲寿司同手卷都唔差，师傅整到细细件，我觉得咁样好好，因为细细件容易食而且可以食多几款，净系刺身同寿司我同家姐都order左几转，食到好满足。热食我地都叫左一部份包括热辣辣新鲜炸起既天妇罗炸虾、厚身啖啖肉好惹味既羊架、超甜超多汁既烧菠萝、好滑好厚肉既烧银鳕鱼，口感好嫩滑好香口既炸蟹盖，最后仲要食埋个牛乳广岛蚝锅。整体黎讲，服务唔错，店员做野快手而且好幸运地全晚无漏单，食物质素都唔错，而且选择都唔少，我同家姐都食得好饱好满足。