影片
更多
2017-05-23
1693 浏览
每一个星期都会喺旺角食一次饭，今次又去到「旺角兆万」试吓第二间放题。见到咁平，星期一至四八点后$198一位，仲要任食两个钟，真系乜都抵哂呀！上到去已经差唔多满晒座，好彩我哋早几步姐，入面已经有好多人，过咗几分钟之后出面已经有好多人喺度等位。坐低左之后，望望下原来有个升级Menu，每位只系加＄50，就可以食到佢啲升级食物，特别系有生蚝、羊架、海鲜炖汤同埋珍宝虾刺身等等，正呀！😍大部份都系我至爱，仲要系贵价食物，所以我哋两个齐齐升级体验。首先嚟咗个「八幡一品海鲜炖汤」同埋「日式炖蛋」，店员将食物放落张枱，我哋已经闻到好香，好似花胶汤既味道，行咗咁耐街，梗系首先要饮咗碗汤润下喉咙先，饮饮下真系饮到几块细细块嘅「花胶」啊👀😱，真系花胶啊！仲要有一条好好食嘅半肥瘦肉，肉条炖到好林，仲要系好入味啊啲汤，饮得出用咗好多材料炖出嚟嘅汤，另外入面仲有少少冬菇，成碗炖汤好滋润！所以我哋决定再encore多两碗，既可以补靓样又补身，正。😋此外「升级体验」嘅食物质素真系非常好，样样都好食，首先就系三款唔同嘅刺身，分别有「油甘鱼」、「珍宝带子」同埋「赤虾」，刺身非常新鲜，冇腥味，而且望落去好干净，绝对系可以放心
上到去已经差唔多满晒座，好彩我哋早几步姐，入面已经有好多人，过咗几分钟之后出面已经有好多人喺度等位。
坐低左之后，望望下原来有个升级Menu，每位只系加＄50，就可以食到佢啲升级食物，特别系有生蚝、羊架、海鲜炖汤同埋珍宝虾刺身等等，正呀！😍大部份都系我至爱，仲要系贵价食物，所以我哋两个齐齐升级体验。
首先嚟咗个「八幡一品海鲜炖汤」同埋「日式炖蛋」，店员将食物放落张枱，我哋已经闻到好香，好似花胶汤既味道，行咗咁耐街，梗系首先要饮咗碗汤润下喉咙先，饮饮下真系饮到几块细细块嘅「花胶」啊👀😱，真系花胶啊！仲要有一条好好食嘅半肥瘦肉，肉条炖到好林，仲要系好入味啊啲汤，饮得出用咗好多材料炖出嚟嘅汤，另外入面仲有少少冬菇，成碗炖汤好滋润！所以我哋决定再encore多两碗，既可以补靓样又补身，正。😋
此外「升级体验」嘅食物质素真系非常好，样样都好食，首先就系三款唔同嘅刺身，分别有「油甘鱼」、「珍宝带子」同埋「赤虾」，刺身非常新鲜，冇腥味，而且望落去好干净，绝对系可以放心食，而且好鲜甜，值得再encore！
而味醂烧河豚干非常脆口，点埋沙律酱仲更滋味！
仲有最正就系羊架，真系不得不试呀！羊架好大块，而且肉质滑嫩，唔使好似食出面啲羊架咁，咬落去要址啲肉出来咁架，反而呢度嘅羊架一咬就咬到，而且好多牧然粉系上面，食落去更加香口啊，仲要冇「so」味，必食！
「盐烧油甘鱼头」卖相好吸引，食落口好好味，但系我觉得食呢个有桥妙，一定要肉连埋皮食，因为佢香口嘅精华喺晒块皮度，两者mix埋食先正，又系骨胶原丰富，养颜食物之一！
食完啲升级体验食物，就开始叫主菜既放题食物啦，一共有九款「A-I」食物可以任叫，分别有寿司、刺身、卷物、天妇罗、小食、前菜、一品料理、烧物、甜品等，而且每一类食物都有6-10种选择，都几多款式。
首先刺身方面，食咗啲升级体验刺身，以为任食刺身好普通，点知都系一样咁鲜甜，推介三文鱼同埋甜虾刺身！
寿司方面，推介「火炙系列」，特别系「火炙沙律酱松叶蟹棒寿司」，同埋「火炙胡麻三文鱼寿司」，佢烧到啲酱入晒刺身入面，所以变咗成旧寿司食落口就好惹味。紧记！要系成旧摆落口先够滋味，而且又有口感，正！
手卷我哋叫咗个海胆手卷，望落去海胆鲜橙黄色，睇落去都好新鲜，点知食落口又真系几鲜甜。
前菜嘅胡麻豆腐，好似百福豆腐咁滑呀，不过份量就比较少，所以我起码Encore左三次啊。
烧物方面不得不推介烧煆同埋牛舌，虾烧得好香，连壳上面都有烧烤味道，再加埋少少盐，用口「莫」黎食仲滋味呀，因为本身肉质弹牙，再加埋壳上面少少调味料，混合黎食好好味。另外仲有芝麻鸡翼，块皮都系炸得好香好入味，仲有好多芝麻系上面，皮果然系精华所在，香到连「减肥」呢两个字都唔记得咗啦，哈哈，真系忍唔到口。
食咗咁多肉，都系要叫返啲菜嚟食，估唔到啲菜都有水准，仲要系咬落去好爽，烹调时间啱啱好，唔会煮到好「梅」，果然一流既食物。
另外其他食物都唔错，「蟹粥」仲要好大煲，入面真系成只蟹架！仲要有啲蛋花系个粥入面，真系好足料。
甜品都有六款选择，除咗呢六款出面电梯门口都有雪糕任拣，而且有几款口味，仲有我至爱嘅雪米糍。而特别推介要食「十胜红豆牛奶布甸」，好重奶味，而且好滑，食咗两个添！好满足🤗。
两个埋单都系$600都唔使，就可以食到咁多款唔同类别嘅食物，下次一定会再光临！今餐真系好满足😬
张贴
