井巷子 by 鋒膳 (已結業)

呢间米芝莲中餐厅真系名副其实，每一道菜都系精心炮制，而且餐厅员工亦都非常专业有礼，系一个好享受嘅晚餐。呢度嘅招牌井巷子片皮鸭超高质，鸭皮烤到好香脆，配菜同普通片皮鸭唔同，有金奇异果同埋哈密瓜，尽显高级。麻辣菜色方面亦都好出色，有凉拌泡椒小龙虾米线、剁椒酸辣羊肉、剁椒酸菜走香黑白切同埋辣子鹌鹑，每一道菜都调配咗独特嘅麻香，岩哂钟意食辣嘅朋友。仲有好养生嘅炖汤，黑蒜螺头雪莲子炖班骨唐排劲足料。最后，食埋碗杂果土红糖冰粉同埋生果作结尾，非常完美。呢碗红糖冰粉加咗啲果仁同埋多款高级生果，系我人生食过最好味嘅冰粉！