餃子屋

营业中

休息中

听过人介绍呢间好食，终于食到啦。店唔算好大，人多都要坐到喺路边。超多饺子拣，有传统饺子，风味饺子，其他煎饺等，我地两个人拣左煎芹菜猪肉饺同粟米香菇猪肉饺。煎芹菜猪肉饺8只$46(加配上海面+8)饺子超级大只，芹菜味超香，入面有满满肉汁。煎粟米猪肉饺子6只$40(加配准山面$8)饺子一样爆馅，加粟米好有咬口，如加入醋一齐食会中和返油腻感。准山面爽口弹牙，松幼身，冇味精嘅粟米红萝卜猪骨汤底好清甜。原来谂住加小食但系已经超级饱，如果两个人可以叫8只饺子share 再加两个面，咁份量就会岩岩好。性价比高，抵食又爆馅，一定会再黎！