天膳

营业中

休息中

今晚都系食返最中意既日本野，木系装修令人感到很舒服，座位宽敞。小食(大)入面有日本蕃茄、日本黑梅贝、日本发菜， 日本蕃茄特别鲜甜，日本黑梅贝表面微黑，有美丽的斑驳花纹，肉质爽弹，日本发菜非常爽口，上面配埋蟹肉、飞鱼子，层次感丰富。汁煮金目鲷鱼头色泽呈鲜艳红色，鱼肉具有甜香浓郁既味道，肌理紧实，用咗日本酱汁煮，味道适中。日式牛肉火锅上枱热辣辣，牛肉切得薄薄，咬落去鲜嫩肥美，配料有蔬菜、菇、豆腐、粉丝等等，用咗少量酱汁去煮，甜甜地，粉丝超级入味。鲷鱼泡饭鲷鱼系白身鱼既一种，味道淡雅，带鲜甜嘅滋味，鱼汤系整道菜嘅精华，令鲷鱼鲜甜完全融入米饭，吸收左精华嘅米饭富有弹性。甜品最后甜品要咗芝麻同埋曲奇雪糕，芝麻雪糕芝麻味香气浓郁，曲奇雪糕每一啖都食到曲奇嘅脆感。波子汽水今次饮咗原味，饮起嚟有一种好特别嘅清爽感。