大丸和風食堂 (已結業)

好耐都冇出过旺角，竟然朋友都系咁话，就决定今晚黎旺角揾食。黎到女人街，揾到呢间大丸和风食堂，睇食评唔错，就入黎试下。坐底见到menu都真系几大众化，睇落都价钱ok,唔会好贵。黎到份量都几多㖭。呢个火炙三色卷，有吞拿，带子，同三文，真系几好食，咁多件仲要有三种刺身，真系好抵食。鳗鱼炒饭一向都好钟意食。 鳗鱼粒都算多，仲有粒粒洋葱好香口，而且佢炒得几均匀。唔错。牛肉寿喜锅，劲多牛肉同菜，好丰富呀。 仲有大只蛋系面。个锅黎到仲好热，所以系睇住啲肉熟，感觉正。肉唔会煮得太老。吉列黑豚，可以用黎配埋炒饭，一流。 而且佢粉酱唔太厚，又冇咩肥，炸得好好味。最后仲叫埋明太子酿鸡翼，大大只爆多涵，而且仲唔觉热气，真系几出色。今晚真系食得又满足又开心。