影片
更多
2023-01-19
283 浏览
今日帶左囝囝到旺角新世紀廣場嘅MOKO動樂園玩，原來而家已經唔需要登記，可直接入去玩，平日黃昏仲要唔多人，可以俾小朋友盡情放電。玩到7點左右我就先到翡翠拉麵小籠包攞位，等埋爺爺、嫲嫲一齊開餐食囝囝最愛嘅小籠包😋翡翠拉麵小籠包有多間分店，今日嚟呢間旺角新世紀廣場分店裝修比較特別，全店以木色及白色為主調，除左普通座位同卡座之外仲有類似Omakase店嘅Bar檯，雖然今日係平日，但到7點半左右，就連Bar檯都差不多滿座😯呢個星期六就過年，翡翠拉麵小籠包已率先推出左4人新春賀年套餐，套餐有前菜、點心同主食共10道食物，當中仲包括一款新嘅黑虎掌小籠包，呢個份量啱哂我哋5個人分享😁迎春接福宴 優惠價 $1238火腿烤雙方、雞絲粉皮、花雕醉雞賀年套餐前菜除左可以揀呢火腿烤雙方、雞絲粉皮、花雕醉雞之外，仲有撈起撈喜選擇，不過撈起係年初一至初十限時提供 黑虎掌小籠包用肉質肥厚嘅黑虎掌做肉餡嘅小籠包極富口感，湯汁飽滿而且帶有啖啖菇菌香味，囝囝話呢款小籠包比平時果d更好食😆松子魚松子魚呢個名係因為製作時魚肉會先用細刀工剖開，炸後膨鬆成瓣，型狀好似松果。炸至鬆脆嘅魚肉，外層配上酸甜醬汁，味道酸甜醒胃，色香味俱
翡翠拉麵小籠包有多間分店，今日嚟呢間旺角新世紀廣場分店裝修比較特別，全店以木色及白色為主調，除左普通座位同卡座之外仲有類似Omakase店嘅Bar檯，雖然今日係平日，但到7點半左右，就連Bar檯都差不多滿座😯
呢個星期六就過年，翡翠拉麵小籠包已率先推出左4人新春賀年套餐，套餐有前菜、點心同主食共10道食物，當中仲包括一款新嘅黑虎掌小籠包，呢個份量啱哂我哋5個人分享😁
迎春接福宴 優惠價 $1238
火腿烤雙方、雞絲粉皮、花雕醉雞
賀年套餐前菜除左可以揀呢火腿烤雙方、雞絲粉皮、花雕醉雞之外，仲有撈起撈喜選擇，不過撈起係年初一至初十限時提供
黑虎掌小籠包
用肉質肥厚嘅黑虎掌做肉餡嘅小籠包極富口感，湯汁飽滿而且帶有啖啖菇菌香味，囝囝話呢款小籠包比平時果d更好食😆
松子魚
松子魚呢個名係因為製作時魚肉會先用細刀工剖開，炸後膨鬆成瓣，型狀好似松果。炸至鬆脆嘅魚肉，外層配上酸甜醬汁，味道酸甜醒胃，色香味俱全😋
紅燜枝竹羊腩煲
最近天氣轉冷，食冬季限定嘅羊腩煲就最適合，羊腩肥瘦有致，燜煮得夠入味，配埋枝竹，非常惹味👍🏻
花膠雲吞雞湯
套餐有四盅花膠雲吞雞湯，每盅嘅材料都好多，雲吞大大隻而且仲有花膠😍
除左呢幾款食物，套餐仲包括半隻滬式蔥油雞、金銀蛋浸時蔬同甜品八寶飯，另外仲有豆漿或檸檬薏米水，非常抵食，而且而家喺翡翠堂食或者外賣消費仲送埋林明禎年曆卡同一套揮春，食滿$300再送一套利是封，啱哂過年用👍🏻
離開時見到門口有介紹翡翠拉麵小籠包嘅賀年糕點，賣點係100%香港製造，真材實料，當中蘿蔔糕含有超過50%厚切蘿蔔絲，加上有滙豐信用卡折扣，我哋都買左準備過年食😊
张贴
