佳牛美酒 (已結業)

为左帮「牛魔王」好姐妹庆祝生日，我特登揾左呢间专食靓牛既餐厅。店舖面积唔系好大，唔系容纳到好多人，所以唔会太嘈，可以静静地倾下计，环境好舒服。食物方面，我地就要左个极尚二人前餐，食完就知道呢个价钱其实系超级抵，因为每一道都好高质!首先有前菜芝麻沙津同埋2款渍物，木鱼酱蒜头&红酒莴头，几开胃。然后就开始烧物部份喇。餐厅好贴心准备左纸围裙防止弹油。而且仲有3款酱汁，海盐、自家制胡椒汁同烧汁，师傅会话比你知每一道食物应该配咩。首先有北海道带子。巨型带子系刺身级，师傅轻轻烧表面，入面仲系生生地，面头加少少苹果蓉，唔需要任何酱已经好享受!之后有最顶尖既日本A5和牛!首先有牛板腱加少少洋葱蓉薄烧，牛板腱肉质紧实、略带嚼劲。 再有牛三角，牛三角系前膊同后肩既肌肉，油份多，甘香入口即溶! 食完日本牛就有澳洲和牛牛小排。牛小排肉质比较实，肉味浓，加上胡椒汁系绝配。然后就有美国熟成厚牛舌，牛舌经过14日熟成，肉质软嫩亦增加肉质甜度。食左咁多肉，系时候食番D蔬菜。有满满黑松露味既杂菌。同埋白酒牛油鲜露荀。接著有自家制柠檬雪葩清一清口腔，迎接今晚既重头戏- 澳洲和牛纯种M9+牛柳!牛柳烧到3成熟岩岩好，肉质精