桔梗 (已結業)

星期日既晚上，终于打完风，可以出嚟食返餐好嘅！😋嚟咗桔梗食个晚餐，餐厅环境好舒服，位置好宽敞楼底好高！空间感好够，倾偈都唔使惊比隔离听到！我哋二人都可以安排到一张大枱！非常舒服！我哋叫左个双人套餐先黎左个鲔鱼、蚝、同埋三种小菜，卖相好靓，味道好好，十分之开胃！第二样再嚟咗个炒鱿鱼，鱿鱼同埋明太子炒埋一齐好香，热辣辣，食落好香口！第三样嚟嘅就系炒猪腩肉，完全唔肥腻，点埋啲酱都好开胃！餐厅上菜十分之快，啱晒我哋劲肚饿嘅时刻，炸鸡炸到外脆内软，完全唔厚粉！嘢食亦都十分之大碟！然后再嚟咗两个茶渍饭，一个系明太子茶渍饭，一个系吞拿鱼茶渍饭，份量十分大！仲配左一人一份嘅糖心蛋，太丰富！我哋坐嗌左一份coffee taste menu ，味道都特别，可以一试！嚟到帮所有食物影张大合照，非常之丰富，同埋啱晒相打卡嘅朋友！最后就系一个甜品佢系伯爵茶cheese cake,真系好surprise系一个咁大份嘅蛋糕!点埋啲伯爵茶将真系非常之好食大家一定要试！