龍鳳冰室 (已結業)

因为公司搬左黎铜锣湾，好多时都会过大坑食早餐或午餐。亦因为明星效应，当然会黎试下。第一次黎，个早餐真系好有份量同味道亦中规中矩，不失为一间可再选择之列。寻日再黎，叫左个鸡排蛋面早餐，上枱时全无异样，望真啲仲见蛋旁有蛋白，仲以为咁特别蛋同蛋白分开，点知用叉笃下嚿疑似蛋白既物体时，非常实净，再笃多几下时竟然见到有字，原来系餐厅嘅餐巾纸未黎得切影相，我老公就叫左个侍应黎睇，侍应马上收左碗面行开，一边同厨房讲点解有嚿纸，点知个厨房系咁话出餐时无，跟住几个侍应用好质疑嘅眼神望住我地，好似我地屈佢地咁。都不特止，佢地竟然拎起旧纸就比番碗面我地，要再同侍应讲先换碗新的，超过份！