麵屋一燈 (已結業)

友人话呢间系日本第一拉面，难得嚟到香港当然要去下朝圣！店舖位于LCX内，我地星期六晚去，一去到门口已经有人龙排紧队，但流动都算快，喺门口等左约35分钟，入座后再等多30分钟后拉面先到，但饮第一啖汤已经觉得系绝对值得架！我地好幸运被安排对住维港嘅座位，有夜景睇，仲可以睇埋幻彩咏香江睇下景倾下计，好快期待已久嘅拉面就嚟到喇～特制浓厚鱼介拉面 $158嚟到第一件事梗系饮啖汤先，一饮真系好惊喜，汤嘅质感好浓厚，好滑，好似好多骨胶原咁，仲有好重嘅鱼介味，再试一啖拉面，拉面粗幼软硬度都无得拣，佢属于偏幼身，都好滑，而且最赞系挂汤力一流！味玉好入味，好食！肉丸内有软骨，都好得意，反而鸡肉同叉烧较鞋口，无乜特别～个汤底好饮到要清晒个碗呀！