金田家 (已結業)

今日约咗朋友喺形点睇戏, 见仲未开场, 所以就同朋友揾下睇下有乜好嘢食下, 咁啱喺戏院对出附近见到一间叫做金田家的拉面铺, 再睇下menu, 都好似几吸引下, 所以就决定试一试。虽然未到七点, 但系餐厅都差唔多full哂咁滞, 唔知嘢食等得耐唔耐, 所以我同朋友都快速咁拣咗两个黑豚拉面, 另外, 我比较大食, 所以我地再加多个剩叉烧同一个北寄贝沙律一齐share嚟食。同朋友等左五分钟度, 啲嘢食就黎到啦！拉面份量适中, 软硬度我拣左软, 比较易入口同吸汤, 叉烧真系同餐牌show出嚟嘅完全一样, 多到可以铺满外围一圈, 所以我哋都开始后悔加左个剩叉烧俾自己, 而唐心蛋系另外加嘅, 超好味! 拉面嘅汤比较浓味, 我觉得钟意食拉面嘅人一定会好满意。仲有不得不提嘅系喺枱侧边有一个细壶, 入面装左啲腌过嘅辣辣菜干, 钟意食辣嘅人一定要试下捞埋啲拉面嚟食, 可以一次过食到两种唔同味道。差啲唔记得咗个沙律, 小食嚟讲份量都算大, 蔬菜同北寄贝都好新鲜, 北寄贝食落爽口, 食拉面之余搭埋依个小食就一流啦! 未去过嘅拉面迷值得一试!