一生懸麵

营业中

休息中

今日去淘大睇戏，睇戏前要医一医肚先餐厅虽然系商场内， 但设计好似日本街头面档，几有feel 🤭拉面由汤底，面底， 淋度都可以拣，好似tailor make🤭 记得一张单只填一碗面呀 所有食物都系即点即整，上枱时都系热辣辣的。 今次试左一款沾面，一款汤面， 小食点了章鱼小丸子和饺子鸡白汤拉面鸡白汤汤底配上2块豚肉叉烧汤底超级浓郁， 好似忌廉鸡汤咁浓稠拉面预设左幼面，同汤底很匹配，可以尽情吸收汤底，但又唔会浸淋👍🏻 2片豚肉几嫩。特别推介原只温泉蛋，又滑又够味，必点特浓豚肉沾面预设日式粗拉面，配有烤香豚肉和超浓汤。汤入面仲有豚肉粒同大葱。粗面很烟韧。豚肉烤得超香，入口即溶化。沾面嘅豚肉汤，入面有角切豚肉同大葱，夹埋粗面一齐食，口感好丰富外加2个小食都好出色章鱼小丸子外皮唔会烤到好硬，配埋酱汁同木鱼丝食， 好有水准饺子好有惊喜，外皮煎到脆，仲胀卜卜， 好得意。入面嘅肉唔会死实，又唔嚡。咁日式嘅环境，一定要点番枝波子汽水应下境啦🤣 白桃乌龙冷泡茶， 无糖，可以解腻， 大大枝18蚊， 好抵饮。之前经过呢度见排哂长龙，食过后就知点解。