大笪地花膠雞

营业中

休息中

旺角有间主打食花胶鸡汤火锅，所以专登去试一试。入面座位好寛，坐得都好舒服。专登黎食花胶鸡汤，所以汤底唔使谂，就叫呢款啦。原来花胶同鸡汤系分别上枱，可以睇到d花胶几足料，花胶劲大碟同劲厚，而个鸡汤嘅颜色系黄色，睇得出鸡嘅精华已经煲晒出黎，未打边炉前饮咗汤先，个汤好浓郁，好重鸡味，非常滋补，再食d鸡，仲保持嫩滑，净系饮汤，食花胶同鸡，都已经饱咗一半。姜汁皮蛋贡丸,原来贡丸入面有涵，有皮蛋蓉同好重姜味，咬落去有爆汁嘅感觉。金牌牛丸，牛丸弹牙爽口。牛栢叶，一碟份量都几多，抵食。鲜鱼卜，呢款好少火锅店食到，个个鱼卜都大大个，完全冇腥味。蟹粉虾饺皇，呢款饺非常大只，唔怪之得叫饺皇，一咬落去d蟹粉嘅油即刻爆出黎，入面都好足料，只虾劲大只，非常爽口。水鱿，条鱿鱼酥大大条，爽口弹牙。炸鱼皮，呢度炸鱼皮嘅质地好薄，所以咬落去特别酥脆，浸汤吸收晒d鸡汤精华，劲正。原来一蚊花胶鸡火锅，一至日全日都供应，只要4人同行，就有呢个优惠，非常抵。