有得餃

营业中

休息中

是日一行4人黎元朗揾食，朋友推介呢间饺子，所以就算食到好饱都忍唔住入去食少少野试下，果然冇令人失望。去到岩岩好开铺，所以要等一阵先入得，都等左约10分钟。睇左阵餐牌点左顶级蟹粉猪肉饺(8只)，醉鸡翼同埋手拍青瓜黎share。先讲果青瓜，好够爽，本来食得好饱，但酸酸地好醒胃，帮手打一打开果胃，有啲麻酱芝麻都几吊到果味。然后果醉鸡翼，真系好浓绍兴酒味，鸡翼都好够冻，但可能我麻麻地醉鸡，觉得唔岩自己口味。讲明饺子出名，当然叫左碗饺黎食啦！叫左顶级蟹粉猪肉饺(8只)，未食已经见到碗汤有啲蟹油飘系面，哗一咬落去就系成啖蟹味，超浓蟹味超好食，中意食蟹既人一定唔可以错过。整体黎讲，食物质素高，啲饺子超足料，小食都好有诚意，如果唔系食饱左一定会食饺子加捞面，下次再黎食，服务都唔错。