辛安東元祖奶奶雞 (已結業)

早两日去旺角睇戏，突然想食韩国野，就嚟食元祖奶奶鸡。奶奶鸡差唔多200蚊半只，系啲好浓好香嘅汁燘过嘅鸡块～两个人食都够饱，啲汁好香好香，啲鸡都几滑同好入味，有埋配料好好食。有萝卜、瓜、薯仔同寛粉，薯仔同寛粉都好有咬口，薯仔唔会煮到淋晒，食到停唔到口。食食下都饱左～另外叫左个部队锅，部队锅都系正正常常咁，不过佢就唔系公仔面，系用拉面……不过我钟意食公仔面多啲！入面有芝士、泡菜年糕、肠仔个啲，唔系好够辣，呢个无乜特别，比较推荐奶奶鸡！