樓下冰室 (已結業)

听闻呢间冰室系荃湾好出名，所以今日一于试试。-特色蕃茄浓汤通粉 配牛乳炒蛋&吉列鱼柳 $48皆因下午茶时段所以比较平啲，但份量都非常多。蕃茄浓汤味道清甜，好重番茄味，甜味较浓易入口。特别有样野抵赞，铺头将啲蕃茄籽都挑走晒，几有诚意。通粉冇乜特别，硬度适中。牛乳炒蛋直接上系蕃茄通粉上面，所以冇乜点食到牛乳味，同埋蛋炒得比较老，建议可以炒蛋同通粉分开上。吉列鱼柳系套餐配既，仲有其他唔同既选择，鱼柳炸得几脆，亦都几大块，抵食👍🏻-冰室炒意粉 $48用蕃茄酱炒，味道略嫌太甜，但整体黎讲几好食。配料有火腿、蕃茄、肠仔，而最有诚意既系佢地亦会用鸡脾肉黎做配料放入意粉一齐炒。-细心睇楼下冰室个Logo会见到有个蕃茄系到，亦正正代表住佢地主打蕃茄煮既菜式，如果钟意蕃茄既朋友可以去试下。