Mimila (已結業)

一直都好想再食虾汤掺掺，午餐约左朋友食mimila，几快就可以入座。今日叫咗 喇沙虾汤配美国牛肉，default面食系掺掺，野饮跟冻mimila奶茶。本来仲想叫上次试过嘅 去骨菠萝鸡中翼，但今日暂停供应就作罢了。喇沙虾汤 光睇卖相就觉得材料非常丰富，汤里面虾嘅味道好浓郁，豆卜索晒啲虾汤，令到每啖都有满满嘅虾汤味。芽菜爽脆，另外掺掺入面油面同米粉嘅比例刚刚好，软硬口感唔错，份量好多。鱼片都好弹牙，仲有半只鸡蛋送面。虾已经有剥壳方便食用，不过虾肉有少少老，但唔影响整体味道。另一样惊喜系肥牛份量非常多，味道都好夹虾汤。另外仲会有炸蒜附上 令成碗掺掺嘅口感更丰富。奶茶唔算太甜，几好饮。虽然呢碗掺掺百𡃁蚊有少少贵，但呢个商场嘅食肆入面比较黎讲其实价钱尚算合理，而且食物都真材实料，都物有所值。