九州鯛魚 (已結業)

今日天气都唔错，周围出走行下，走左去石澳沙滩慢步，不过因为太冻既关系，所以好快就走返出去筲箕湾行街街，慢慢行行下开始肚饿仔，去到西湾河见到好出奇既太安楼，听就听得多啦，不过今次真系第一次黎到，咁当然要揾下野食啦。走下走下，发现左一间日本餐厅，门面又大又靓，所以俾佢吸引左入去！入到去唔洗等位，可能冇咩人够胆出街食饭既关系？不过已经嗅到好大阵鱼味，好香！搞到劲肚饿啦，快Ｄ叫野食啦～－波士顿龙虾鲷鱼汤乌冬－原来鱼味咁重系因为呢到最出名鲷鱼汤，我叫左全场最大张图个份，原只龙虾，真系原只！劲大只！下面仲会热住，等我有时间食龙虾，乌冬都仲系热，真系好细心，不过我都系忍唔住食左乌冬先，真系因为好香，乌冬超弹牙，又滑！鲷鱼汤劲浓郁，鱼味又重又香，劲好味！最后慢慢食龙虾，超鲜甜，肉质爽口，膏多，肉多，真系材料丰富！－北海道咖哩手打和牛汉堡－日本咖哩最出名就系好浓郁咖哩味，但唔辣，甜甜地，同其他地方既咖哩非常之唔同，呢间日本餐厅一样做得到，咖哩味非常浓，甜甜地，配饭非常岩，手打和牛汉堡又大又厚，好正呀！和牛肉汁丰富，浓郁，每一啖都有肉汁流出！