吉豚屋吉列豬扒專門店

营业中

休息中

将军澳食日本菜既地方唔多，大多数系连所店，呢间都唔例外。吉豚屋，由个名已经可以睇得出系专门食吉列猪扒既地方，但我欣赏佢既地方并唔系吉列猪扒，而系台面有芝麻酱供客人任食。每次我都可以用左佢半支酱，用嚟捞椰菜丝同捞饭。今次试既系吉列虾配吉列猪扒饭，炸粉唔算话好厚，不过可以薄啲，虾肉都几juicy，而且咬落几脆身， 同埋虾嘅长度 都有成只一只手指多啲，粗就粗过手指小小，都算几大只。而猪扒就比平时细件，比较窄身，有啲伤心。 同埋猪扒嘅炸粉比较厚， 而且猪扒都比较干身，唔够炸虾咁juicy， 作为一间吉列猪扒专门店，呢方面有啲失色。不过今次有一个特别嘅沙律酱，淋咗喺啲炸物上面 ，呢个沙律酱有少少似千岛酱，但系有少少辣， 比较开胃醒神，令到炸虾同埋猪扒都唔太油腻，而底下嘅椰菜丝捞埋呢个沙律酱，亦都非常清新，不过啲酱都唔算好多，够点炸虾同猪扒，但就唔够我送饭呀，所以可以落少少芝麻酱捞饭。