黑木亭居酒屋 (金馬倫道)

餐厅系人气排队店，好在门口有啲凳可以喺等候期间坐吓，好贴心。餐厅装修好有日式居酒屋嘅感觉，一路食嘢都觉得好有气氛。〈三味铁板A5和牛鹅肝〉分别有两款和牛包括厚切A5和牛同埋大葱蒜蓉和牛，两款和牛都超高质，入口即化。厚切和牛牛味较浓，大葱蒜蓉就令和牛味道更加有变化。鹅肝超大块，油脂重之余又唔会腻，除咗可以就咁食，仲可以配埋脆多士一齐食。〈黑木亭原创-黑糖啤酒拉面〉打卡一流！用咗大啤酒杯嚟装住拉面，杯面铺满奶盖就好似啤酒嘅泡沫咁。拉面本身好弹牙好有咬口，好似冷面既食法咁可以捞埋紫菜碎，葱碎、萝卜蓉、Wasabi一齐食，盏鬼得黎味道都好不错！〈手羽鸡翼塔〉利用咗一支铁签穿起晒咁多只鸡翼，摆盘几得意。鸡翼香脆可口，但鸡肉依然可以保持嫩滑，鸡味香浓。〈蜜桃乌龙熊茶〉清爽得黎味道唔会太甜，夏天解暑一流。〈蓝蝶花佛手柑熊茶〉柑橘味好香，味道就有少少偏甜。