樂天皇朝 (利舞臺廣場) (已搬遷) 新店位置

好多年之前食过，当时已经觉得好好味，今日心血来潮，所以一家人再黎多次。系乐天皇朝，绝对唔可以唔叫嘅一定系小笼包。由于daddy mammy第一次黎，所以我叫咗佢哋招牌8色小笼包，代表8种唔同嘅味道，包括原味、鹅肝、芝士、蟹粉、黑松露、川味、丝瓜同埋蒜香。佢哋嘅小笼包不愧为招牌菜，一直都保持到水准，皮薄、汤多，咬落去每一啖都好满足。跟住系蟹粉锅贴，系「厨师推荐」，外脆内软，入面亦有少少汤，加埋蟹粉嘅鲜味，口感好好。再黎系菜肉馄饨拉面。讲真，菜肉馄饨系上海菜嘅招牌菜，食上海菜无理由唔叫呢款。我觉得佢哋都好味嘅，个拉面同埋汤都配合得好好。跟住系生煎包。可惜呢度嘅生煎包出品只系一般，下次唔会再叫。最后系馒头，本身想order炸嘅，剔错咗蒸馒头，下次会叫返炸嘅。