新匯聚打冷小廚 (已結業)

早几年已听闻牛下的著名小炒新汇聚餐厅小厨搬到成业街，之前已经尝过晚饭，都真系有水准。听闻佢又开了打冷店-新汇聚打冷小厨，响前多几个铺位，于是又去试下。点了蚝饼$70，我很爱吃的，一上枱，很惊讶，超巨型，好大份，外皮非常酥脆，蚝仔大大粒，都有好多只，浆粉比例刚好，香脆。黄金脆肉瓜$80包满咸蛋黄，好香口，咸香味足，平时黄金虾食得多，配上瓜类，冇咁有罪恶感。招牌清汤牛筋腩$110，汤底加了胡椒，好夹浓郁的牛肉汤味，而且好大碟，好多牛筋，牛腩都好稔，成煲汤饮晒。豉油皇干炒牛河$70（少油），这是个套餐，包埋杯饮品，杯冻柠茶啲茶香味浓，浓到好似饮紧纸包饮品果只味，牛肉有肉味，牛肉份量都多，炒河够干爽，叫了少油真系做到，好难得唔腻口。每枱还送上甜品，有杞子桂花糕。碟碟有镬气，份量又大碟，好抵食，店员服务都好好。