影片
更多
2014-03-05
2143 浏览
水月餐单背后解释作：水中月优雅而变幻莫测这正是本餐厅所希望为每位客人带来的体验以脱俗优雅的方法表现食材的美配以新派料理及中西互融的烹调技巧令各道佳肴显得变幻莫测正因如此我们取名「水月」今次系我第二次黎呢度，上次系1月我老公生日，果次系一试忘不了！非常欣赏店主对食物的热诚，$568无加一情况下，超新鲜外国入口高质素食材，食完觉得自己赚左。今次再黎系因为2月尾收到店主Karen whatsapp通知3月3日有新餐单，虽然未约到朋友一齐去食，但唔紧要，趁老公出外工干，自己一个去享受食物，好期待呢一日终于到啦！3月3日第一日我先试为快！美食之旅出发！蕃茄啫喱．蒜芯蕃茄白兔糖纸．芝士蕃茄脆片．话梅蕃茄配日本冰菜蕃茄啫喱依然入口自动引爆、清香味道一涌而至，吸引！中间蒜芯蕃茄白兔糖纸待应建议一啖食哂，透明呢块系细个食大白兔糖外面块纸，侍应介绍系店主自家研发，真系好儿时感觉，食入口自动溶解，超香浓蕃茄及蒜心味即时出哂黎，好味👍。再食埋话梅味车厘茄，系完美组合！我觉得比之前个组合更正！连d餐具都好有型！清酒高汤鲍鱼樽里面做紧烟熏，打开盖有d烟飘出黎好香～有原只加两嚿切件鲍鱼，底下再有鲜淮山、日本海藻，鲍
餐单背后解释作：水中月
优雅而变幻莫测
这正是本餐厅所希望为每位客人带来的体验
以脱俗优雅的方法表现食材的美
配以新派料理及中西互融的烹调技巧
令各道佳肴显得变幻莫测
正因如此我们取名「水月」
今次系我第二次黎呢度，上次系1月我老公生日，果次系一试忘不了！非常欣赏店主对食物的热诚，$568无加一情况下，超新鲜外国入口高质素食材，食完觉得自己赚左。
今次再黎系因为2月尾收到店主Karen whatsapp通知3月3日有新餐单，虽然未约到朋友一齐去食，但唔紧要，趁老公出外工干，自己一个去享受食物，好期待呢一日终于到啦！3月3日第一日我先试为快！美食之旅出发！
蕃茄啫喱．蒜芯蕃茄白兔糖纸．芝士蕃茄脆片．话梅蕃茄配日本冰菜蕃茄啫喱依然入口自动引爆、清香味道一涌而至，吸引！中间蒜芯蕃茄白兔糖纸待应建议一啖食哂，透明呢块系细个食大白兔糖外面块纸，侍应介绍系店主自家研发，真系好儿时感觉，食入口自动溶解，超香浓蕃茄及蒜心味即时出哂黎，好味👍。再食埋话梅味车厘茄，系完美组合！我觉得比之前个组合更正！连d餐具都好有型！
清酒高汤鲍鱼樽里面做紧烟熏，打开盖有d烟飘出黎好香～有原只加两嚿切件鲍鱼，底下再有鲜淮山、日本海藻，鲍鱼好鲜甜，淮山&海藻浸入汤汁好入味，我系饮哂全清！感觉系想再食多一樽可以吗？
掌上明珠即系上次黎食嘅龙吐珠重新包装，今次再食依然吸引，外脆内juicy👍
我个人钟意呢个新presentation,配合店主推广的食物与艺术！赞！艺术堂用嘅手都玩埋，绝配👍
待应话厨师希望呢对手能代表厨师，亲手为客人送上食物！我真系感动左.....好受落！
腐皮窝巴鱼汤呢个汤真系不得了！！侍应建议将碗面所有食物压哂入碗内，热腾腾鱼汤令食物软化，超爱软化后嘅腐皮及窝巴，全部同d劲香浓鲜味鱼汤混合哂！真系唔讲得笑，十级满足！👍👍👍
青柠泡泡呢支青柠泡泡真系亮点！食饭中间食柠檬sorbet就食得多，将sorbet整人饮管内啜就真系第一次，应该系前无古人！一啖足够我清一清味蕾再继续食！好掂👍👍👍
北海道黑毛猪配八珍山渣汁我第一次食猪系停唔到口，d肉系新鲜到带脆口架，仲要厚切！死未！果阵味好似炭烧香，肉质香嫩！连d配菜都系香甜！个汁做得好出色，酸中带甜，中和肉嘅腻口感觉，如果汁再多d更好！
香芒糖波当日有忌帘芝士味，侍应攞到我眼前，眼前一亮！d灯已经靓，加埋黑珍珠色糖波，无得输！我觉得赢哂坊间所有甜品！芝士蛋糕重新演绎，妙不可言、更胜之前！都系食哂👍
骰盅骰盅内烟熏朱古力，朱古力味道香浓，好岩口味！有得食有得玩！
最后系一壶薄荷花茶，令肠胃好舒服～埋单唔驶加一$568。以呢个价钱食呢餐咁高质素，又非常饱嘅晚餐，我觉得非常超值，难怪咁多人黎食。
最后店主Karen从厨房出黎亲自解答大家对食物煮法嘅问题，非常亲切👍
佢问我今餐满唔满意，讲真，点止满意，直头超班啦！
衷心多谢水月带俾我地呢班星斗市民各款高质素美食，我非常同意店主Karen的理念，艺术与食物结合、食得又睇得、高级食材及美食大众化，唔一定过千蚊或大酒店先食到。👏👏👏
从订位到用膳系店主Karen亲自安排，我好欣赏呢种态度。另外要赞所有侍应，非常细心有礼，从入门口第一刻欢迎起，至最后开门同每位客人讲晚安再见，好令人有宾至如归感觉，赞！
写呢篇食评最令我困扰系选择食物推介嘅部份，令我有选择困难症，因为我在鸡蛋内找不出骨头！整个美食之体验附合了色香味美的要求，妙不可言！
我一定会再黎！水月，我心中的米芝莲餐厅！
张贴
