榮珍茶餐廳

营业中

休息中

我同老豆食，因为我想食下个扒，我叫咗西冷牛扒，冻奶茶，我老豆叫咗酸菜水煮牛肉，冻鸳鸯。一阵来咗两杯野，一杯冻鸯，一杯冻柠茶。我以为员工落错单，费事浪费，照饮，我无所谓。一阵店员放张单系枱，写住冻奶茶。人生第一次遇到单无错但上错咗。算，由佢。个牛扒同酸菜水煮牛一齐到咗。个扒食完我帮老豆食酸菜水煮牛。食个豆卜，好淡，有浓浓的花椒味同少少酸味甜味，但唔咸。我以为煮唔够唔入味。再食个腐皮，又唔咸，得少少花椒同酸味甜味。再食个牛肉，都系唔咸，我问老豆唔咸食唔食得落，佢话都食到，佢无所谓就由得佢。之后食个酸菜，得啦，知道点解唔咸。人生第一次食甜到漏的酸菜，严重怀疑厨房佬放咗两次糖，所有食物都唔咸，都有些少甜味，得酸菜系最甜，最咸已经系一早腌定的牛肉，但都系无味。一张单犯两次错都真系奇迹，一亿六合彩都无咁好彩。埋单个时同个收银讲，个酸菜水煮牛肉系咪落咗两次糖，收银讲，好甜咩，我话一D咸味都无，个收银已经埋紧后面我后面个客张单都无理我。