大滿足火鍋冰室

营业中

休息中

平时钟意打边炉，食开都系连锁嘅火锅店。今日上网搜寻，竟然有间新开嘅火锅店，竟然系冰室打边炉，咁细间店打边炉，得唔得㗎，仲要系任饮任食，真系未试过。首先拣个汤底，我既首选紧系椰子鸡汤啦。外面食椰子鸡汤唔多，仲可能要加钱，呢度就唔使。一打开，劲香椰子味，水滚放入鸡再煲5分钟就得啦。先饮碗鸡汤先， 哗，超级清甜，非常好饮，鸡香椰香非常夹，如果可以，我真系好想饮哂个汤，不过仲要打边炉，就忍一忍啦。火锅料全部都系外面自取，一般港式边炉料都有。牛肉，猪肉一般。鱿鱼，牛栢叶都爽口。海虾有啲不新鲜。蛏子偏小。菇类正常。炸鱼皮无油益味。除左椰子鸡之外，我地仲点左蕃茄烤鱼。炉鱼大条，鱼肉嫰滑，相当唔错。之后嘅蕃茄汤都可以变做打边炉汤底。另外仲有前菜，水果任食，咁嘅价钱算唔错。