鮮芋仙 (MPM文華商場)

营业中

休息中

近排天气真系好热，行吓行吓街要食啲冻嘅嘢降吓温。去到嘅时候差唔多四点，要排队，排咗差唔多10分钟就入得去。入去嘅时候要嗌咗嘢食先坐低，所以排队嘅时候可以喺门口拎张餐牌谂吓食咩先。叫咗近排几Hit嘅迷你芒果白玉冰，芒果椰奶西米仙草冻。好失望！😑芒果白玉冰芒果粒细咗啲，冇咩咬口。芒果味亦都好奇怪🥴，有啲似之前优之良品芒果软糖只味，超级甜同埋冇新鲜芒果嘅香味，超级Artificial。而白玉就正常，唔会因为啲冰冻而变硬。个冰上面仲有一球云呢拿味雪糕，冇咩特别。总括系成碗都劲甜好难食。芒果椰奶西米仙草冻一开始搞咗几下之后就饮咗一啖，饮落去好似饮紧糖浆咁超级甜，应该系同芒果白玉冰𠮶啲芒果糖浆一样，好难饮。成杯野最好味系仙草👍🏻，仙草好Q，滑捋捋。一开始都几期待食呢间，但系食完之后真系好失望！下次应该唔会再去。