阿爺八鮮鍋 (已結業)

新menu 包左霸王海鲜拼盘，入面嘅海鲜种类好多，而且款款都好新鲜，啱啱送个拼盘上嚟啲龙虾同鲍鱼仲识郁㗎🤣 摆盘有花做陪衬几精美， 几有心好值得一赞😚 海鲜嘅口感弹牙爽口，啲蟹入面又有满满嘅蟹黄，食落满满嘅幸福感🥹其他边炉配料方面，我地全部系半份咁叫，份量其实都几慷慨😙 安格斯牛肉嘅雪花分布啱啱好，烚落肉质软腍肉味都浓郁；黑豚肉片系梅花肉，食落唔会成口油；自家制手打蟹子虾滑同手打黑松露墨鱼滑几有惊喜，几弹牙唔会好腍好粉。仲试左好少见嘅猪天梯，原来系猪嘅上颚，成块都系软骨食落好脆口🤣 仲叫左好多其他嘢食，全部都唔错，包埋嘅时令炖汤都好足料，饮落顺喉清甜唔味精😋 而且餐厅新装修完，卡位坐得都几舒服，同朋友gathering 一流🥳