惠 (已結業)

钟意周围揾食嘅我，咁啱上YouTube见到一间KOL力捧嘅寿司店，咁我当然要book下位啦。座位其实都好full，要book嘅就要提早啦。入到去见到有一个好大嘅吧枱，见到厨师整嘢食超有心思，日本餐真系好讲求心机，好味之余仲要别致，真系要食得又睇得。💗针鱼嘅鱼肉系好嫩滑，光泽感好强，佢嘅肉质好清甜，所以唔需要特别嘅烹调技巧，就咁刺身食配上少少姜豉油，就可以凸显出鲜味嘅鱼肉。💗吞拿鱼之最当然有中拖罗同埋大拖罗啦，两款我都系好钟意嘅，中拖罗食落去就会比较踏实，油脂同肉嘅分布都系好平均。而大拖罗就系油脂系超高嘅，好好味，但减紧肥嘅我真系唔够胆食超多。💗吞拿鱼酱油渍寿司，厨师话系用秘制嘅烹调手法，令到吞拿鱼嘅味道鲜味会更加提升，唔需要再放任何调味料，味道已经好浓郁。💗北海道马粪海胆真系海胆之最，颜色系浅橙色嘅，味道甘甜可口，有淡淡的海水味，而且佢海胆嘅份量超多，一啖食唔晒，成个口都充满着海胆嘅感觉好过瘾。