檀島咖啡餅店 (軒尼詩道)

营业中

休息中

由于今日中午我们要喺湾仔附近做嘢，但因时间仲早，所以我们就喺轩尼诗道嘅「檀岛咖啡饼店」食咗个午饭先！我们叫咗几个常餐：沙嗲牛肉公仔面拼肠仔煎太阳蛋嘅牛肉都算软滑，但沙嗲酱嘅味道就超级咸，至于肠仔煎太阳蛋就不过不失！鸡丝汤通粉拼炒双蛋嘅鸡丝肉质比较「粗嚡」，而且再淋上咗啲忌廉汁喺面，令到食落觉得好腻同好滞，至于炒双蛋亦炒到过咗火，所以质感比较「老」同唔嫩滑！猪扒汤公仔面拼吞拿鱼奄列嘅猪扒肉质都几松软，而且有两块咁多，至于吞拿鱼奄列就感觉怪怪地咁，鸡蛋亦唔嫩滑，吞拿鱼嘅味道就极之腥，再夹埋一齐食，感觉真系超级错配呀！另外！喺食到一半嘅时间，突然有只超大兼且系会飞嘅「小强」飞喺我手上，之后再飞去其他人客身上，吓到我们个个当场成个跳起同大叫出嚟，本来我们已经觉得极之不满㗎，但最令我们更加反感嘅系，其中几个店员竟然话：「驶唔驶咁夸张咁大反应呀，祇系飞曱甴之嘛！」！听到他们咁讲之后，我们真系觉得超级唔满意同埋决定以后都唔会再嚟！