Crust Sorrento (已結業)

前排去完意大利，好挂住呢个地方，所以见到将军澳开咗呢间新嘅餐厅，已经期待咗好耐可以去试。Turns out 真系好好食！个Seafood pasta嘅海鲜，好新鲜，好足料！有三四只大青口，虾，蟹肉，同埋差唔多每一啖都有八爪鱼嘅口感，个酱汁调得好好食。本身谂住嗌Pizza，但系落单嘅时候，服务生推介左crocchettone比我地，话 it’s very good!! 我哋去意大利𠮶阵冇去意南，所以冇听过呢一款菜式。所以都系佢推荐之下，嗌咗呢一款菜式，结果都真系好特别，好好食！佢系将啲薯仔炸左，上面铺咗啲mozzarella cheese & cherry tomatoes, 个芝士系好香醇嘅mozzarella cheese, 很不错！以新开嘅餐厅来看，真系好推荐。所有店员都好Nice，个舖头经理Leonardo 仲成日同我哋倾偈！我哋坐喺出面，天气刚刚好，唔会太热唔会太冻，好有气氛。