Eiffel Bistro (已結業)

成日都觉得太古好似无咩好食咁，见系星期五，所以试下间贵少少嘅法国西餐厅，当系TGIF。其实好耐之前已经试过一次，无咩特别好感，但见而家成日都咁多外国人去，应该都可以，所以就再去啦。我哋叫咗个洋葱汤，三文鱼同牛扒，谂住依啲嘢喺西餐嚟讲都算大路，应该唔错。点知一嚟到碗洋葱汤就已经好唔掂，好稀，无洋葱亦都无洋葱味，完全好似只系味精沟水咁。同埋饮完都觉得好口渴。我个三文鱼先奇怪，唔知系啲咩fushion菜，但完全无三文鱼味，仲有一阵怪味，同埋个口感一啲都唔似三文鱼，我一度怀疑其实系熟未。到牛扒，理应系西餐厅嘅基本菜式，但嗌半成熟都可以全部都系筋，切又切唔开，咬又咬唔烂，本身想坚持食埋佢，但真系搞唔掂！咁就嘥咗半块扒！依间餐厅真系永远都唔会再帮衬，而且服务都麻麻地，好似好寸咁，真系唔明点解平时咁多外国人喺度食嘢！