影片
更多
2007-10-12
8 浏览
亚爸亚妈食斋，佢地两老又唔钟意出街，难得就响屋企楼下开左间斋舖，决定中秋节请亚爸亚妈黎食一次顺便当过节。虽然中秋都过左一排，但实在不吐不快，所以决定上黎讲返出黎等各位食客注意。已经早成个星期订左台，但去到都仲要好似walk-in 客咁等，而且仲要系门口位，已经觉得有0的离谱。而且相信佢为左做多0的生意，过节当日开多左好多台(仲要开埋出门口)，逼到咩咁；凳贴凳、人撞人，环境可以话完全不济。除左侍应客气0的之外，冇乜特别好0既服务。一坐低就话今日过节，全部净系做套餐，冇得散叫。我心谂有冇搅错？我俾呢个价钱你叫我黎食快餐？！但怕搅到亚爸亚妈唔开心，自己硬食。一家六个人，叫左个六人餐(个名当然改到富丽堂煌咁啦)，依稀记得价钱系$668。菜单：1) 斋卤味2) 水果大虾沙律3) 海蜇熏蹄4) 百鸟归巢5) 乳猪6) 糖水斋卤味、现成野，咁都可以当做一个菜。水果大虾沙律，大虾系现成素料，沙律水果固然系；而且边有可能俾碟沙律人地配饭？海蜇熏蹄，现成素料开封放埋一碟。百鸟归巢，个巢「益」0既，明显系炸定；最面0的杂碎又系微暖0既，睇怕又系炒定好多叮返热。乳猪，现成素鸡炸完净加0的茄汁响面，完全冇技巧可
虽然中秋都过左一排，但实在不吐不快，所以决定上黎讲返出黎等各位食客注意。
已经早成个星期订左台，但去到都仲要好似walk-in 客咁等，而且仲要系门口位，已经觉得有0的离谱。
而且相信佢为左做多0的生意，过节当日开多左好多台(仲要开埋出门口)，逼到咩咁；凳贴凳、人撞人，环境可以话完全不济。
除左侍应客气0的之外，冇乜特别好0既服务。
一坐低就话今日过节，全部净系做套餐，冇得散叫。我心谂有冇搅错？我俾呢个价钱你叫我黎食快餐？！但怕搅到亚爸亚妈唔开心，自己硬食。
一家六个人，叫左个六人餐(个名当然改到富丽堂煌咁啦)，依稀记得价钱系$668。
菜单：
1) 斋卤味
2) 水果大虾沙律
3) 海蜇熏蹄
4) 百鸟归巢
5) 乳猪
6) 糖水
斋卤味、现成野，咁都可以当做一个菜。
水果大虾沙律，大虾系现成素料，沙律水果固然系；而且边有可能俾碟沙律人地配饭？
海蜇熏蹄，现成素料开封放埋一碟。
百鸟归巢，个巢「益」0既，明显系炸定；最面0的杂碎又系微暖0既，睇怕又系炒定好多叮返热。
乳猪，现成素鸡炸完净加0的茄汁响面，完全冇技巧可言。
糖水，唯一一个可以暖肚0既野...
外加几碗白饭。
埋单，八百八十几！
我真系唔知0个二百几又可以响边度爆出0黎。
又系睇在两老份上，「骨」声吞左佢...
除开一个[食送]百几蚊，食0既系冻0既、唔使炒0既、现开现食0既素料。
真离晒大谱、不知所谓！除左粗口之外，我真系再讲唔出第二样。
咁0既价钱我可以出去食餐超豪架啦。两餐都得啦。
餐厅价、快餐店环境、below 快餐店食物。
仲话斋舖㖞、仲话信佛㖞。做生意咁唔老实，以后都唔会再去！
如果有朋友有同样经验，请留言并咪吁大家杯葛呢间0野。
张贴