佳佳甜品

营业中

休息中

前日去开佐敦睇跌打，专登就去呢间出名嘅甜品店试吓，叫咗芋茸西米露+3粒汤圆。当时第一啖食咗西米露唔系好甜，觉得唔错。之后食粒芝麻汤圆就系恶梦嘅开始啦，咬咬下觉得好似唔妥，𡁻落有啲唧唧声，吐出嚟睇见到只曱甴脚 🤮，OMG当时已经呑咗大半粒呀😭，即刻话俾个侍应听，个阿姐竟然够胆话系西米露里面嘅香草嚟嘅啫😡我即刻就话𠮶碗糖水冇可能有香草或草药个㖞，只脚系喺汤圆里面发现的，之后佢就拎只曱甴脚上手捽下掂下，然后就净系话换一碗俾我和会同老板反映，我梗系唔要，唔会再响呢间铺再食任何野啦。发生咗咁呕心嘅事，佢都冇主动话唔收钱，仍然谂住要收费，系我同佢讲我食咗两啖就出事啦，我唔会俾钱，佢先至同收银员讲声。呢间店我会永久blacklist, 佢令到我宜家食任何一粒粒包住嘅嘢都有好大阴影。