喜亭軒 (已結業)

午市时间去食果个点心放题，一入到去店内，差不多full晒，冇位咁际。唔知系唔系我一个人，佢哋唔想做生意，冇招呼or理我。我行入去揾个阿姐问，佢先肯瞅我和帮我揾位。之后我问佢有点心放题，佢揾咗个男人嚟同我讲，话有，加咗价$97加茶钱再加一。我问唔系$88？佢冇理到我，照做自己嘢。我好谷气，唔嚟都嚟咗喇。照食。揾咗个阿姐帮我落order食呢个点心放题。上嘢速度极慢，就连茶水都要十几分钟后先俾到我。填写完点心纸又冇人理我，要我自己拎出去俾佢哋落order。叫咗第一轮点心，虾饺，烧卖，萝卜糕，绿茶饼。可能太多人嘅关系，上菜速度极慢，差不多成半个钟先嚟，仲要只系萝卜糕，绿茶饼。虾饺，烧卖仲未到。绿茶饼，萝卜糕入口冻嘅，唔热，又油腻。食完唔想再encall。之后烧卖，虾饺终于嚟到，味道免强ok,唔系超好食。之后再入第二轮点心，甜品，等咗超耐都冇嚟到，都差唔多成40分钟。心知唔多妥。咁平嘅价钱，点会俾咁多我食？？结果我食咗第一轮嘢就冇得食。我冇耐性再等落去，埋单走人。出去买面包食，都好过继续无了期喺度等。唔驶望再有下次帮衬。👎