影片
更多
2019-04-30
1005 浏览
我唔钟意写人差评，但我真系忍唔住同2位朋友谂住喺百老汇睇戏之前揾间餐厅食嘢，用Openrice睇下附近有咩餐厅介绍，见佢有二百几个好评，冇谂咁多就入咗去啦。一入去，佢比咗个升级餐牌我哋，sell我哋每位加$40升级话可以多啲选择，又话枱枱客都加钱食，但我有位朋友细细声话佢唔食得海鲜，比个呀妈听到，即反驳话仲有其他更好嘅肉类，最后我哋决定唔升级，即时黑面。个呀妈同仔一直态度极差唔想serve我哋咁。肉已经唔靓，铁板上仲要隔住块纸嚟烧，一啲烧嘅味道都冇。刺身我哋唔系叫得多，数量都唔超过佢每次嘅限制，但系我哋喺用餐时间内嘅2个钟，只系叫倒3细碟，系3细碟！每碟入面讲紧嘅系每人2块三文鱼，每人3块北寄贝，每人几只细甜虾。点解2个钟内叫得3细碟？因为我哋叫第3碟𠮶阵，佢哋拖到差唔多埋单先比我哋！无错，系第3碟已经开始拖到你想埋单。后尾我哋3个都冇晒mood，唔想食，埋单𠮶阵揾散纸揾耐咗少少，个呀妈成张单连簿「挞」落张枱度，坚系劲嬲啰，咩意思？最后出咗门口，睇翻点解！点解有咁多好评，原来我太天真了，希望其他人识睇差评，避免中伏啦
同2位朋友谂住喺百老汇睇戏之前揾间餐厅食嘢，用Openrice睇下附近有咩餐厅介绍，见佢有二百几个好评，冇谂咁多就入咗去啦。
一入去，佢比咗个升级餐牌我哋，sell我哋每位加$40升级话可以多啲选择，又话枱枱客都加钱食，但我有位朋友细细声话佢唔食得海鲜，比个呀妈听到，即反驳话仲有其他更好嘅肉类，最后我哋决定唔升级，即时黑面。
个呀妈同仔一直态度极差唔想serve我哋咁。
肉已经唔靓，铁板上仲要隔住块纸嚟烧，一啲烧嘅味道都冇。
刺身我哋唔系叫得多，数量都唔超过佢每次嘅限制，但系我哋喺用餐时间内嘅2个钟，只系叫倒3细碟，系3细碟！每碟入面讲紧嘅系每人2块三文鱼，每人3块北寄贝，每人几只细甜虾。点解2个钟内叫得3细碟？因为我哋叫第3碟𠮶阵，佢哋拖到差唔多埋单先比我哋！无错，系第3碟已经开始拖到你想埋单。
后尾我哋3个都冇晒mood，唔想食，埋单𠮶阵揾散纸揾耐咗少少，个呀妈成张单连簿「挞」落张枱度，坚系劲嬲啰，咩意思？
最后出咗门口，睇翻点解！点解有咁多好评，原来我太天真了，希望其他人识睇差评，避免中伏啦
张贴