影片
更多
2024-06-12
415 浏览
老公生日，我哋嚟到《希》呢度食晚饭一入门口就见到师傅笑容满面咁迎接我哋而唔系有啲大场嘅师傅忙到无晒笑容连客人坐低望佢哋一眼都好似嘥时间咁坐低之后师傅详细了解过我哋嘅喜好然后迎接我哋嘅就系一兜新鲜炸起嘅薯片（我挂住食 竟然无帮薯片影相😂）然后就开始上前菜 海藻啫喱秋葵酸酸甜甜非常之开胃 好想食埋隔离果份😆然后果啲我就唔逐一介绍喇 （睇相啦）印象深刻嘅系师傅慢煮12日嘅中拖我本人系唔钟意食拖罗 唔钟意食完好似「好漏」咁但师傅叫我试吓啦试吓啦 唔系好漏㗎咋！结果出奇地真系肥而不漏㖞！！仲要大赞嘅系果只日本生蚝！劲肥劲厚身！！唔会好重海水味👍🏻好怕果啲好咸嘅生蚝 但今晚食嘅呢只生蚝真系回味无穷🦪师傅话佢试过好多唔同嘅生蚝拣咗呢款就系因为佢肥美又唔会太咸钟意食生蚝嘅朋友真系唔可以错过😋炸物就咁睇相都知炸得好靓啦！花竹虾好好好好味！啲肉好爽又弹牙！临走已经即刻book定下个星期要带屋企人上嚟再食过！
一入门口就见到师傅笑容满面咁迎接我哋
而唔系有啲大场嘅师傅忙到无晒笑容
连客人坐低望佢哋一眼都好似嘥时间咁
坐低之后师傅详细了解过我哋嘅喜好
然后迎接我哋嘅就系一兜新鲜炸起嘅薯片
（我挂住食 竟然无帮薯片影相😂）
然后就开始上前菜 海藻啫喱秋葵
酸酸甜甜非常之开胃 好想食埋隔离果份😆
然后果啲我就唔逐一介绍喇 （睇相啦）
印象深刻嘅系师傅慢煮12日嘅中拖
我本人系唔钟意食拖罗 唔钟意食完好似「好漏」咁
但师傅叫我试吓啦试吓啦 唔系好漏㗎咋！
结果出奇地真系肥而不漏㖞！！
仲要大赞嘅系果只日本生蚝！
劲肥劲厚身！！唔会好重海水味👍🏻
好怕果啲好咸嘅生蚝 但今晚食嘅呢只生蚝真系回味无穷🦪
师傅话佢试过好多唔同嘅生蚝
拣咗呢款就系因为佢肥美又唔会太咸
钟意食生蚝嘅朋友真系唔可以错过😋
炸物就咁睇相都知炸得好靓啦！
花竹虾好好好好味！啲肉好爽又弹牙！
临走已经即刻book定下个星期
要带屋企人上嚟再食过！
$1600
26 浏览
0 赞好
0 留言
张贴
