我想和你無所事事 (中環街市) (已結業)

话说今日阿姐万岁，咁大家都好开心咁样推介呢一间珍珠奶茶舖，之后10几个同事都拣好咗要乜，之后我哋就喺网上外卖平台度落单，咁之后大约等咗一个钟到就送到黎，咁大家好开心咁谂住去拣自己个杯嘢嘅时候，点知全部货不对办，芒果茉莉要珍珠嘅就冇珍珠，明明都冇叫蓝柑草莓酸奶就俾咗三杯，14杯只有几杯系啱嘅，真系好想知道边度出问题，𠮶张单，清楚列明14杯系要啲乜，完全唔明白点解14杯都可以出错，请问点样赔偿呢个损失？虽然几廿蚊一杯嘢饮大家开心轻松吓，但系完全成个部门嘅同事见到都饮品都呆咗，又唔知可以去边度查询点解会有咁嘅出错， Deliveroo只系负责送货，归根究底，都系贵公司嘅出错，投诉又唔知去边度，因为冇电话，亦都冇任何管理人负责，真系超级失望！第一次饮亦都系最后一次饮！