Whatever Bar & Restaurant (已結業)

去咗呢间餐厅食真系非常非常唔开心。。 星期五晚book左同朋友系位于尖沙咀既呢间餐厅食饭，一进去餐厅其实好细，不过都唔系话好差。到落单叫嘢食嘅时候，谂住先饮杯水，点知水都要$40一枝。唔饮水啦咁，咁happy friday饮下cocktail都仲开心，同朋友叫左1人1杯cocktail饮，分别系screwdriver, mojito, pinacolada。大家从图片可以睇得出杯cocktail系几冇心机冲，个杯同出面茶记个啲冇分别！重点系成$98一杯，仲要bartender 帮我地冲野饮个时口罩都唔带。。。 同侍应反映反，佢就正系话因为bartender食紧野，疫情期间都咁样显示得佢非常唔专业。杯screwdrive只饮到果汁先生橙汁味，杯mojito多薄荷叶多到苦，杯pinacolada只系一杯椰汁奶。 到上菜，carbonara味道正常，牛扒肉质系臭嘅，咀嚼嘅时候系有浸牛臭味。。。 唔怪得知佢放咁多sause, 重要成$300！最后fish & chip, 都好难可以难食，但佢个鱼柳系𠮶啲急冻现成野, 好冇心机做。 呢一间餐厅系永远冇下次，我都会提醒朋友唔好去呢一间嘢食。