影片
更多
2020-04-30
220 浏览
系IG平台成日见到唔少人帮衬Ocio，评价一律都几好咁，但亲自试过之后，真心觉得可一不可再。我已经好少会打劣评，但有种种因素令我觉得餐厅有好多野需要改善，希望佢地会正视。首先系上菜速度，唔知餐厅系咪近排先开始做外卖服务，朋友觉得上菜速度有啲慢，而当时堂食食客只有三枱左右。餐厅忙紧处理外卖订单，所以上得颇慢，我觉得可以再改善下两边嘅速度。另外系卫生方面问题，虽然知道餐厅通常点都会有小强或者老鼠，好难完全避免，但如果有小强明目张胆咁系食客面前出现，点都会扣分。当晚食食吓见到隔离枱地下出现一只垂死挣扎嘅小强，都好大只下，之后同咗店员讲，店员好迅速处理，呢样值得赞嘅。不过几秒后就将啱啱入嚟嘅食客安排坐系同一位置上，总觉得个枱食客有啲惨。-奥斯BBQ酱春鸡伴意粉 $118烧春鸡整体肉质好鞋身，鸡髀部份好少少，但整体都做唔到嫩滑口感，令人失望。BBQ酱调味一般，唔够香浓。酱汁份量亦唔多，令意粉失色。-软壳蟹黑松露意大利饭 $128同行友人叫咗呢款饭，我都少尝咗啲啲。软壳蟹味道不错，蟹膏部份够咸香，口感颇酥脆。但黑松露意大利饭调味同样出事，明明黑松露系浓味配料，但烩饭味道依然系偏淡。-镬仔伯爵茶雪山
首先系上菜速度，唔知餐厅系咪近排先开始做外卖服务，朋友觉得上菜速度有啲慢，而当时堂食食客只有三枱左右。餐厅忙紧处理外卖订单，所以上得颇慢，我觉得可以再改善下两边嘅速度。
另外系卫生方面问题，虽然知道餐厅通常点都会有小强或者老鼠，好难完全避免，但如果有小强明目张胆咁系食客面前出现，点都会扣分。当晚食食吓见到隔离枱地下出现一只垂死挣扎嘅小强，都好大只下，之后同咗店员讲，店员好迅速处理，呢样值得赞嘅。不过几秒后就将啱啱入嚟嘅食客安排坐系同一位置上，总觉得个枱食客有啲惨。
-奥斯BBQ酱春鸡伴意粉 $118
烧春鸡整体肉质好鞋身，鸡髀部份好少少，但整体都做唔到嫩滑口感，令人失望。BBQ酱调味一般，唔够香浓。酱汁份量亦唔多，令意粉失色。
奥斯BBQ酱春鸡伴意粉
$118
21 浏览
2 赞好
0 留言
-软壳蟹黑松露意大利饭 $128
同行友人叫咗呢款饭，我都少尝咗啲啲。
软壳蟹味道不错，蟹膏部份够咸香，口感颇酥脆。但黑松露意大利饭调味同样出事，明明黑松露系浓味配料，但烩饭味道依然系偏淡。
软壳蟹黑松露意大利饭
$128
34 浏览
1 赞好
0 留言
-镬仔伯爵茶雪山热香饼 $79
本身对呢款甜品甚有期望，觉得卖相亦唔差，但厚身热香饼食落不过不失，易滞之余，口感唔够轻盈，伯爵茶味道唔算突出。只有配上云呢拿雪糕同食，冷热口感先令热香饼味道有所升华。
镬仔伯爵茶雪山热香饼
$79
36 浏览
0 赞好
0 留言
整体而言，个人认为只有忌廉粟米餐汤系全晚最好味嘅菜式，实在令人失望。
张贴
