超級自助壽司店

营业中

休息中

超级寿司响牛头角都已经好多年啦 我间中都会专登过去食下，食材新鲜，款式多，最梗要系平民价 同一般回转寿司店质数真系完全无得比一入门口已经有个冻柜俾你自助选购可以外卖又可以堂食今次同老公过去食下轻便下午茶老公叫左个什锦寿司饭 系咪睇见都食指大动呢！ 每件刺身都充满油光，超新鲜无雪味，真系件件都有鱼味㗎😂我就叫左个拖罗寿司饭 肉色系咪好靓呢！因为师傅系即叫即剁，绝对系剁到有声有色连响个位都听到😂 又瘀又黑嘅死肉色绝对唔会响依度出现🙅🏻 完全系声色味具全 超推介跟住再响冻柜拣返板海胆一齐食，堂食店员会拎入厨房叫师傅跟饭一set出，就咁食又得，包住食又得，我自己就钟意跟小小饭，咁先带得出海胆嘅甘香