影片
更多
2023-12-20
52 浏览
东广场出名劲多野食，比佢门口既街机吸引左好栈鬼😂同朋友各叫拉面套餐，想讲超抵食，价钱吸引之余仲要非常惹味，朋友点左极上龙虾汤拉面，拉面底烟韧度啱啱好，推介硬面比较有口感，重点系个汤底真系劲浓郁，好香浓既虾甜味，绝对唔系平时加少少樱花虾就叫虾汤既拉面，我真心好惊讶系东广场有咁高质既拉面店，配吉列牡蛎即叫即炸，芝麻手羽系原只鸡翼，外皮香脆可口，鸡肉腌得够味，我则拣左黑蒜油豚骨汤叉烧拉面配溏心蛋，同样非常出色难忘，汤底香浓扑鼻，一啖汤一啖拉面好好味，溏心蛋一拮就流心，蛋黄滑嫩，蟹肉忌廉薯饼都可以点，馅料creamy，沙律酱都唔洗点，仲有日式炸饺子，配饺子汁酸酸甜甜好开胃，饮品就推介玄米茶，清清地，中意饮甜野可以加四蚊试下日本提子汽水，我哋食咗咁多嘢，埋单都只系$276，性价比真系极高，10个赞！🫶🫶🫶
张贴
