喜喜冰室 (已搬遷) 新店位置

今日去左铜锣湾行街，见肚饿就上Openrice search下有咩好野食，我个人最钟意去怀旧冰室或者茶餐厅，所以一见到喜喜冰室就两眼发光，决定去呢度食野喜喜冰室系铜锣湾有两间分店，我今日就去左加宁街果间，系希慎广场果边行几个街口就到，唔算难揾！喜喜冰室果然无令我失望，成间冰室充满怀旧气氛，不过太肚饿啦，所以一坐低即刻叫野食男朋友叫左呢个脆皮鸡肶配西炒饭，佢话只鸡脾腌得好好味，不过略嫌炸得太干身 我就叫左鸡批浮台同香蕉Pancake，鸡批浮台即系鸡批配绿豆蓉汤，呢道菜超级特别！绿豆蓉汤好重豆味，真系劲好饮，好明显系真材实料个鸡批就不过不失，我觉得分开食会好味啲，因为个汤会浸淋个鸡批，不过够特别，起码唔会系其他餐厅揾到香蕉Pancake真系不得了，真系劲好味，Pancake超松软，而且充满蛋香，面头再加上香蕉果肉，核桃同香蕉糖浆，成个配搭真系起正钟意香蕉的朋友一定要试呀！