天吉屋 (已結業)

餐厅主打天妇罗，选择亦贵精不贵多，全部都系师傅即叫即炸。晚市大约6点半左右到，已经排紧队，等左3张枱就到，限时60mins。入座之后，侍应会俾椰菜丝、柚子醋，自己拌匀成沙律。枱面亦有渍物俾食客夹黎食。叫左天幕御膳($148)，All star丼($108)。炸物量一大碟，香喷喷而且热辣辣。大约有虎虾、红鲷鱼、枝豆、劲大茄子、炸紫菜、洋葱炸饼等。估唔到鲷鱼炸完，都非常滑。而茄子超多汁，又大条。御膳主打3种食法，可以配天妇罗酱汁食。第二款可以配枱面有枝细豉油，而第3款系问侍应拎鲷鱼汤，整泡饭。鲷鱼汤清甜，单饮都一样美味。另一款set既炸物就铺哂系饭上面，望落好震撼。炸物既份量不比御膳既少，仲多左炸温泉蛋、炸鸡肉，口感好特别。2个set都有面豉汤，个汤唔好睇小。用料非常足，有大量菜、红萝卜、豆制品条等，饮完唔会觉得好口干/渴。整体，侍应服务有礼，而且坐得舒服，座位相隔远，唔错。而且炸物食完唔觉得热气，亦唔会油淋淋，好出色既天妇罗。男仔食一个set，一定饱甚至多添。