南대門

营业中

休息中

呢间餐厅叫做南大门5号，因为其实都好多分店，代表一定好食啦！今日就同朋友一齐来到尖沙咀食dinner。呢到除左好食，其实都超级高cp值！系呢边必点就系个BBQ晚市套餐，有猪or牛选择，价钱差$20-30到，主要分别就系要1个定两个主菜，另外包两个饮品。我地呢次要左牛肉set ，$388 包烤牛肉，两个主菜同两杯饮品。烤牛肉我哋要咗我最钟意嘅LA galbi，而主菜就要咗韩式牛肋骨汤同埋石锅拌饭。烤牛肉个肉质厚度刚刚好，绝对唔会鞋，口感一流，自己烤可以控制自己想要嘅熟度，同埋佢本身都腌制好，所以味道都好好食。加埋任添加嘅拌菜，真系好有地嘅感觉。最重要就系呢度烤炉嘅抽烟做得好好，食完之后唔会觉得成身好臭。呢度嘅拌菜竟然有茄子，系我好钟意，但系喺香港亦都比较少见嘅一种。而且呢度嘅泡菜都系比较酸，超好味。石锅拌饭超大份！真系食到有饭焦，加埋麻油味好香，因为朋友叫咗辛辣饺子面，我将啲辣汁跟埋个石锅拌饭食真系劲开胃。