瑰花甜戀愛甜品屋 (已結業)

我绝对唔系打手... 我都未试过食嘢系嬲到要出po闹.. 我本身打算放上facebook闹完就算，但我啲朋友叫我放上嚟等其他人唔好受害... 初初我见出面menu有介绍甜品，而且几吸引，我望入间嘢望好似几好所以我同男朋友就去帮衬... 入去𠮶阵系有两个女仔喺度表演.. 唱得好唔好听都系其次，但支咪系大声到我同我男朋友完全听唔到对方讲嘢... 我哋两个人只系叫一份鸡扒司华力肠铁板餐配薯菜照烧汁同一杯椰汁紫米冰，杯嘢嚟到劲淡，啲冰仲多过啲紫米，都算... 个铁板餐等咗我差不多半个钟，中间仲要追咗两次... 嚟到之后明明叫咗烧汁又冇俾，成张枱仲要冇义，我男朋友走去问个侍应：「唔该，我冇义用.. 」条友似开玩笑但态度好寸咁答：「我知我废！」就咁行开咗，之后问佢拎返照烧汁态度仲要更差！到食落去𠮶下仲嬲，啲嘢食嚟到样样有一大半都㶶！点样食呀？？好快食完呢啲咁嘅嘢连甜品都唔想叫... keep住听两把鸡仔声唱歌已经觉得好烦，啲嘢食迟仲要㶶到咁，啲态度又恶劣.... 以后唔会再去呢间嘢...