古今

营业中

休息中

几年前喺观塘食过几好，所以喺附近想食日本嘢咪拣呢度，但系估唔到超级失望，整体非常差。一坐低已经闻到阵噏味，唔知系家私定边度传出嚟。由坐低到食咗3碟嘢都无人俾茶我哋，我仲以为呢度无茶供应，问一问原来系有嘅，其实计埋我哋得2枱客，你连茶都唔俾人😅😅第一轮食物算快嘅，之后再加单叫咗串烧同天妇罗，但等足25分钟，问一问先知原来做咗张外卖单先，呢个系侍应亲口讲，最后我话cancel order啦，先话烧紧。吓？你话多人做唔切我都明呀，2枱客咋ok?隔离𠮶枱仲要系差不多食完，我唔系呢头order𠮶头问，真系等咗25分钟，见又无其他客，问一问就收到呢个答案。到食物，俾咗百几蚊叫咗个「蜘蛛」完全唔值呢个价，蒜香牛油烧帆立贝系完全无味，我连丁点蒜味都食唔到闻唔到，真系无味！系最一开头嘅火灸左口鱼裙边寿司唔错，入口即溶嘅，得呢个可以接受。一句讲晒无下次！