魚兵衛 (裝修中)

每日特价时段都有减价， 夜晚收工时间九点半， 咁大一盘杂锦寿司，100蚊都唔使， 非常抵。味道上始终系摆咗一日嘅卖净蔗， 新鲜度自然系有扣分， 但唔会差得过其他超市嘅寿司， 鱼兵卫嘅饭团都系特别实净有口感， 米粒分明，软硬适中。海胆本身好容易变坏会有苦味， 但依一盒 摆咗一日拎到返屋企都仲系甘甜嘅， 值得一赞，不过鳗鱼片个人认为太薄身咗少少，鳗鱼汁不足， 唔系好够味。不过呢个价钱嚟讲都不过不失， 试过平时正价时段买系高水准有80分嘅， 特价卖净蔗就畀佢70分啦😋